يا ليت ربي لم يوجد الهموم والاحزان

ياليت ربي ماخلق هموم واحزان
ويصير كل حبيب مرتاح مع حبيبة

ماقلتها الا من بعد معاناة حرمان
وجروح داخل القلب مازالت عطيبة

ماقـلتـهـا الا و انا الـيـوم نـدمـان
ماقلتها الا وهموم قلبي صعيبة

انا على همي وهو على الهجران
انا بإنتظاره رغم انها طالت الغيبة

شفني اليوم تايه ومشتت الاذهان
دنياي من بعدك ياعمري دنيا غريبه

لامـر طـيـفك علي سـالت الاعـيان
تسـيل غصـب عنـي دمـوع رهـيبة

لاشفته قام يصك علي كل البيبان
وانا اعامله بكل يسر ولين وطيبة

شف حالتي من بعدك بالهم مرضان
فراق خلي هو عندي اكبر مصيبة

كل يـوم يمـر ليـلي وانـا سـهران
وعيوني من سهرها صارت صويبه

وانـا اليـوم طايـح وبالدمـع غرقان
سبة حبيب تركني وانا ماودي اسيبه

هذي حالة من هو غريق بالاحزان
وهـذي حالة كل من فارقـه حبيـبه

واليوم اشكي لخالق الانس والجان
اشكـي لربـي جـعل ربي حسـيـبه